কবিতাৰ চকুলোঁ ডা দীপুল চন্দ্ৰ হালৈ
||১||
হে মোৰ প্ৰাত: পঠনীয় সংবাদ
তোমাৰ ওঁঠৰ আঘোনৰ পথাৰৰ আশা
শৰতৰ শেৱালীৰ ভাষাৰ ইমান আকাল
তোমাৰ গাভৰু বুকুত ৰোমান্তিকতাৰ মৰ্মান্তিক সংবাদ
শ্মশানৰ ছাই ছাই ঠিকনা......
......... তথাপিও বিচাৰো সৃষ্টিৰ সেউজ কবিতা |
||২||
নদাই- ৰহদৈৰ আকাশী মনত ক’লা ডাৱৰ
“ভোগদৈ নৈৰ পাৰৰ মালৌ পথাৰৰ”ৰ
সোনগুটি জহাধান সুৱাগমণিদৰাত
বালিচন্দাৰ অফুৰন্ত হাঁহি
ভোগদৈয়ে শ্ৰজিলে আৰু এক মৰভূমি |
||৩||
ভাল লগা ৰাতিটোলে’ ভয় লাগে
আন্ধাৰ কৰ্মৰ আখৰা চলে
নিচুকনী গীত গাই মইনাক শুৱাব নোৱাৰি
আখৰাৰ শবদত মইনা সাৰ পায়,
জয়াল নিশাৰ ভয়াল চিঞৰত |
No comments:
Post a Comment